Rundspørjing om klimatilpassing – kartlegging av behov

Har organisasjonen din behov for gratis rettleiing om korleis framtidige klimaendringar vil kunne slå ut i regionen din? Treng de kursing i korleis klimaendringane kan påverke lokalsamfunnet eller råd om korleis de kan gå i gang med å tilpasse dykk?

Prosjektet Clim-ATIC jobbar for å etablere ei slik rådgjevingsteneste i Noreg og andre land. Clim-ATIC er finansiert av EU-programmet Northern Periphery, og dei norske deltakarane er Vestlandsforsking, Fylkesmannen i Sogn og Fjordane, Flora kommune og Sogn og Fjordane fylkeskommune. I tillegg omfattar prosjektet ei rekkje organisasjonar i Finland, Grønland, Skottland og Sverige.

Ved å klikke på lenkja nedanfor og fylle ut spørjeskjemaet, kan du hjelpe oss til å skreddarsy den planlagde rådgjevingstenesta til behova i organisasjonen din.

Gå til Clim-ATIC si spørjeundersøking om klimatilpassing

Vi er interesserte i innspel frå flest mogeleg aktørar i offentleg, privat og frivillig sektor. Difor må du gjerne sende vidare denne e-posten til kollegaer eller andre som kan tenkjast å ha interesse av å bidra.

Du kan delta i rundspørjinga fram til utgangen av juni 2009.

For meir informasjon, gå til nettsida www.clim-atic.org eller ta kontakt med Idun A. Husabø i Vestlandsforsking på adressa iah@vestforsk.no.

KS er kjent med innholdet i undersøkelsen og deltar med en representant i den norske referansegruppen for prosjektet som undersøkelsen inngår i. KS mener dette er en interessant undersøkelse som kan kaste nytt lys over spørsmålet om hvilken type kunnskap lokale myndigheter har behov for i arbeidet med lokal klimatilpasning, og da særlig spørsmålet om det er behov for internasjonalt samarbeid når det gjelder formidling av relevant kunnskap. KS oppfordrer derfor alle til å svare på denne henvendelsen.

Kjetil Bjørklund
Prosjektleder Klima

kjetil.bjorklund@ks.no  
(+47) 90 68 75 48

http://www.ks.no
http://www.livskraftigekommuner.no

KS
KOMMUNESEKTORENS INTERESSE- OG ARBEIDSGIVERORGANISASJON

Internasjonalt samarbeid om lokal klimatilpassing

Lokal klimatilpassing blir sett på dagsorden i det offentlege Sogn og Fjordane gjennom det internasjonale samarbeidsprosjektet Clim-ATIC. Prosjektet skal vise korleis lokale og regionale styresmakter, gitt dagens kunnskapsstatus, kan gjennomføre analysar av klimasårbarheit og utvikle strategiar for klimatilpassing.

Gjennom prosjektet skal tre offentlege aktørar - Flora kommune, Sogn og Fjordane fylkeskommune og Fylkesmannen i Sogn og Fjordane – sjå på tilpassingsbehov og -tiltak i lag med forskarar ved Vestlandsforsking og resten av det internasjonale nettverket i Clim-ATIC. Prosjektet tek spesielt fatt i felta beredskap, energi, transport og reiseliv. Eit knippe demonstrasjonsprosjekt skal vise korleis lokal klimatilpassing kan gå føre seg i praksis.

Stort prosjekt

Clim-ATIC er eit samarbeid med aktørar frå Grønland, Sverige, Skottland, og Finland. Prosjektnamnet står for “Climate Change — Adapting to The Impacts, by Communities in Northern Peripheral Regions”. Det er EU som saman med deltakarlanda finansierer det treårige prosjektet. Budsjettet er på 20 millionar kroner fordelt på 3 år og 5 land. Clim-ATIC er det einaste europeiske samarbeidsprosjektet om lokal klimatilpassing med deltakarar i Noreg.

Varsling av naturhendingar

Flora kommune sitt fokus i prosjektet er utvikling av ein lokal tilpassingsplan, medan Sogn og Fjordane fylkeskommune har fokus på regionalt nivå gjennom arbeidet med fylkesdelplan for klima og miljø. For Fylkesmannen i Sogn og Fjordane er det mest konkrete målet med prosjektarbeidet å utvikle et demonstrasjonsprosjekt knytt til mobile løysingar for varsling av naturhendingar, til dømes skred og flaum.

Kurs- og opplæringssenter

Innan utgangen av 2010 skal kvart av deltakarlanda i Clim-ATIC vere i gang med å etablere eit kurs- og opplæringssenter for lokal klimatilpassing, retta mot lokale aktørar som har behov for slik kunnskap. Prosjektet er alt i dialog med Norsk Bremuseum & Ulltveit-Moe senter for klimaviten om å utvikle museet til det norske opplæringssenteret. Mulige målgrupper for denne tenesta er lokalsamfunn, lokalt næringsliv og lokale styresmakter.

Kontaktpersonar: Prosjektleiar Carlo Aall, caa@vestforsk.no og forskar Idun Husabø Anderssen, iha@vestforsk.no